🔹2025 жылғы 28 қараша күні Тайынша ауданының «Болашақ» бөбекжай-бақшасында мектепке дейінгі ұйым педагогтарына арналған «Мектеп жасына дейінгі балаларды ойын арқылы қазақ мәдениетінің құндылықтарына баулу» атты облыстық семинар өткізілді. Семинардың тақырыбы мектеп жасына дейінгі жастағы балалардың бойына ұлттық құндылықтарды сіндіру және рухани мықты жеке тұлғаны қалыптастыруға бағытталған. Аталған шараға облыстың 4 ауданы қатысты: Тайынша, Уәлихан, Ауыртау және Ғ.Мүсірепов ауданы. Спикерлардың жұмыстары тәжірибеге бағытталған, ұлттық құндылықтарды ойындар, дидактикалық материалдың қолдануы арқылы ұсынылған. Аталған жұмыстар «Адал азамат» бағдарламасын жүзеге асыру аясында бір бөлігі болып көрсетілді. Әр ойынның өз мақсаты, өз міндеттері, өз шарты болғанымен, ең басты миссиясы – кіші жастағы балаларды ұлттық құндылықтармен ойын-тәжірибе арқылы дамыту.