«Қаржы сақшысы» атты танымдық іс-шара «Адал азамат» біртұтас тәрбие бағдарламасы аясында және «Заң және тәртіп» айлығы шеңберінде ұйымдастырылды. Іс-шараға Солтүстік Қазақстан облысы бойынша Экономикалық тергеу департаментінің өкілі Синякина Оксана Юрьевна қатысты. Аталған іс-шара ағымдағы жылдың 22 қаңтарында өтті.

Іс-шара 8–9 сынып оқушыларына арналған қаржылық қауіпсіздік бойынша оқыту сабағы форматында ұйымдастырылды. Сабақ барысында білім алушыларға интернет-алаяқтық және өзге де қаржылық құқық бұзушылықтар саласындағы заманауи қауіп-қатерлер туралы жан-жақты ақпарат берілді. Мұндай заңсыз әрекеттердің ықтимал салдары түсіндіріліп, олардың алдын алу жолдары мен жеке деректерді қорғауға қатысты нақты ұсынымдар ұсынылды. Сонымен қатар оқушыларға өздерін қорғау тәсілдері мен алаяқтардың құрбаны болмау жолдары түсіндірілді.