30-31 қазанда Астана қаласында Назарбаев университетінің алаңында NIS Conference 2025 XIV Халықаралық конференциясы өтті.

«Солтүстік Қазақстан облысы әкімдігінің білім басқармасы» КММ басшысы А. А. Сұрағанова «Өңір кейсі: ауылдық мектептерді дамыту қадамдары (Солтүстік Қазақстан облысының тәжірибесі)» алаңының модераторы болды.

Әдістемелік орталықтың директоры Сәркен Р.С. ауыл мектептеріндегі білім сапасын арттыруға бағытталған «Ауыл мектебі – сапа алаңы» жобасын әдістемелік сүйемелдеу бойынша тиімді тәжірибелерімен бөлісті.

«Ауыл мектебі – сапа алаңы» жобасын іске асыру аясындағы тәжірибелерімен келесі қатысушылар бөлісті: Петропавл қаласындағы «Педагогикалық шеберлік орталығы» ЖШС филиалының басшысы Опанова Ж.К., Шал ақын ауданының «Кәкімбек Салықов атындағы орта мектебі» КММ директоры Уайысова А.К., Мамлют ауданының «Покров орта мектебі» КММ педагогы Рамазанова Д.Н. Сонымен қатар, Қыстаубаев М. білім беру саласындағы цифрлық технологиялар бойынша өз тәжірибесімен бөлісті.

Халықаралық конференцияға қатысу тәжірибе алмасу, кәсіби байланыстарды нығайту және білім беру саласындағы үздік өңірлік бастамаларды ілгерілету үшін маңызды алаң болды.