Кәсіби ынтымақтастық нақты нәтижеге бағытталғанда, бастауыш білім беру саласында жаңа мүмкіндіктер айқындалады. Осындай мазмұнды форматта бастауыш сынып мұғалімдері Ассоциациясының кезекті кездесуі ұйымдастырылды.
Іс-шара аясында 2025–2026 оқу жылының I жартыжылдығы бойынша білім алушылардың оқу жетістіктерінің сапасына жүргізілген талдау ұсынылып, негізгі үрдістер мен өзекті мәселелер белгіленді. Сонымен қатар панорамалық сабақтар байқауында іріктелген тиімді педагогикалық тәжірибелер таныстырылып, оларды оқу тәжірибесіне енгізу жолдары қарастырылды.
Жиын барысында функционалдық сауаттылықты қалыптастыру, тілдік құзыреттілікті жетілдіру, орфографиялық дағдыларды дамыту және сөздік қорды байытуға бағытталған өзекті мәселелер қозғалды.
Кездесу тәжірибе алмасуға, кәсіби пікір білдіруге және Ассоциация жұмысының оқу жылының екінші жартысына арналған басым бағыттарын айқындауға мүмкіндік берді.