2026 жылдың 11 ақпанында Қызылжар ауданындағы «Ажар» бөбекжай-бақшасында «Тәрбиеленушілермен кәсіптік бағдар беру жұмысының заманауи түрлері» тақырыбында мектепке дейінгі педагогтарға арналған облыстық семинар өтті. Қызылжар, Аққайың, Айыртау, Шал ақын аудандарының спикерлері практикалық тәжірибелерімен бөлісті.

Шара барысында педагогтар мамандықтар әлемі туралы түсініктерді ерте жастан дамытудың маңыздылығын талқылады. Семинарға қатысушылар мектепке дейінгі ұйымдарда кәсіптік бағдар беру қызметін ұйымдастырудың тиімді және заманауи тәсілдерін қарастырды: ойын технологиялары, рөлдік және іскерлік ойындар, жобалық әрекеттер, интерактивті әрекеттер, мультимедиялық ресурстарды пайдалану, сондай-ақ ата-аналармен және әртүрлі кәсіп өкілдерімен өзара әрекеттесу.

Балалардың ерте кәсіби өзін-өзі анықтауына, еңбекке деген құрметті көзқарасын, әр түрлі іс-әрекет түрлеріне қызығушылығын дамытуға ықпал ететін пәндік дамытушы ортаны құруға ерекше көңіл бөлінді.

Тәжірибелік бөлімде педагогтар өздерінің жұмыс тәжірибелерімен таныстырып, әдістемелік қорытындыларымен алмасты, шеберлік сабақтарына қатысты. Семинар белсенді диалог пен кәсіби ынтымақтастық атмосферасында өтті.